त्या अनुषंगाने मराठा क्रांती मोर्चा ची पत्रकार परिषद हॉटेल एस एस के येथे पार पडली. छगन भुजबळ यांना महायुतीकडून उमेदवारी देण्याचे संकेत असताना मराठी क्रांती मोर्चा ने छगन भुजबळ यांच्या विरोधात तीव्र शब्दात नाराजी व्यक्त केली. भुजबळ दोन समाजात वाद निर्माण करून स्वतःची पोळी भाजून घेण्याच्या प्रयत्नात आहेत, तसेच समाजात तेढ निर्माण होईल असे अनेक वेळा जाहीर वक्तव्य त्यांनी केलेले आहेत. मराठा समाज त्यांना कदापिही माफ करणार नाही.भुजबळ हे कायम मराठा समाजा विरोधात गरळ ओकत असतात त्यांनी मराठा आरक्षणाचे योद्धा जरांगे पाटील यांच्यावरही खालच्या पातळीचे आरोप केले होते. त्यावेळेस संपूर्ण मराठा समाज संतप्त झाला होता. संपूर्ण मराठा समाज विरोधात असताना त्यांना महायुती उमेदवारी का देत आहे? असा सवाल मराठा क्रांती मोर्चा ने उपस्थित केलेला आहे. छगन भुजबळ यांना उमेदवारी दिल्यास मराठा क्रांती मोर्चाच्या पदाधिकाऱ्यांनी त्यांची भूमिका स्पष्ट केली.
